სიახლეები
საქველმოქმედო აქცია რაჭაში მაისი 21, 2013

2013 წლის 8-9 მაისს, კლინიკა კურაციოს ექიმების მიერ, ამბროლაურის მრავალპროფილურ საავადმყოფოში, ჩატარდა საქველმოქმედო აქცია, რაც გულისხმობდა ამბროლაურის რაიონის სკოლამდელი და სასკოლო ასაკის ბავშვების ჯანმრთელობის პროფილაქტიკურ შემოწმებას. პროფილაქტიკური შემოწმება ჩაუტარდა 200-მდე ბავშვს. 

”ევრომელანომა 2013” კურაციოში მაისი 16, 2013

2012 წელს საქართველო გახდა ევრომელანომის კამპანიის წევრი ქვეყანა. 19 მაისს, კლინიკა კურაციოში, ევრომელანომის კამპანიის ფარგლებში, ჩატარდა მოსახლეობის სკრინინგი კანის კიბოსა და მელანომის გამოვლენის მიზნით. დერმატოლოგებმა და ონკოლოგებმა 70-მდე პაციენტი გასინჯეს.

შემოგვიერთდით Facebook-ზე! მარტი 27, 2013

გვინდა შეგატყობინოთ, რომ გაიხსნა კურაციოს ოფიციალური გვერდი Facebook-ზე. ამ გვერდზე შესაძლებლობა გექნებათ გაეცნოთ ბევრ სასარგებლო და საინტერესო რჩევებს ჯანმრთელობისა და ცხოვრების ჯანსაღი წესის შესახებ. გექნებათ საშუალება ონლაინ რეჟიმში გაესაუბროთ კლინიკის სპეციალისტებს კვირის აქტუალურ თემებზე. შემოგთავაზებთ ყოველკვირეულ კონკურსებს, სადაც შეძლებთ გამოავლინოთ თქვენი ცოდნა და მოიგოთ პრიზები. ასევე გთავაზობთ სხვადასვა აქციებს კურაციოს ყველაზე პოპულარულ სერვისებზე.

სრული კარდიოდიაგნოსტიკა მარტი 11, 2013

კლინიკა კურაციოში სრულყოფილი კარდიოდიაგნოსტიკის კომპლექტაცია დასრულებულია. ამბულატორიულ დონეზე გულისა და მისი მკვებავი სისხლძარღვების დიაგნოსტიკა მოიცავს: კარდიოლოგის კონსულტაციას, ელექტროკარდიოგრაფიას ერთჯერადად, მოსვენებულ მდგომარეობაში, ელექტროკარდიოგრაფიას უწყვეტად 24 საათის განმავლობაში (ჰოლტერის მონიტორირება), ელექტროკარდიოგრაფიას ფიზიკური დატვირთვის დროს (ტრედმილიმეტრია) და ექოსკოპიურ კვლევას. ჰოლტერის მონიტორირება დიაგნოსტიკური ღონისძიებაა და გულისხმობს ელექტროკარდიოგრამის ჩაწერას  24 საათის განმავლობაში უწყვეტ რეჟიმად.ტრედმილიმეტრია დიაგნოსტიკური ღონისძიებაა და გულისხმობს ელექტროკარდიოგრამის ჩაწერას  მოძრავ სარბენ ბილიკზე (ტრედმილზე)  ჩქარი სიარულს დროს.

სამკურნალო ვარჯიში თებერვალი 27, 2013

თანამედროვე სამედიცინო ლიტერატურაში უმეტესობა დაავადებათა სამკურნალო ღონისძიებების  ჩამონათვალი ითვალისწინებს რებილიტაციურ და სამკურნალო ვარჯიშების კომპლექსს. უფრო მეტიც, რებილიტაციური და სამკურნალო ვარჯიშები რეკომენდირებულია სხვადასხვა დაავადებთა აღმოცენების რისკის შემცირებისათვის.  ყოველივე ამის საფუძველი ისაა, რომ ვარჯიშებს აქვთ ხანგძლივი სამკურნალო ეფექტი და პრაქტიკულად არ აქვთ გვერდითი მოვლენები. კურაციოში თქვენ მიიღებთ  ინდივიდუალურ კონსულტაციას, თქვენთან ერთად შეირჩევა საჭირო და ეფექტური ვარჯიშებისა და მასაჟის კურსი, რომელიც ჩაგიტარდებათ პროფესიონალი მეთოდისტის დახმარებითა და მეთვალყურეობით.                                                                                                                                                    

"უმს" თერაპია თებერვალი 27, 2013

 ფიზიოთერაპიულ პროცედურას ულტრამაღალი სიხშირის ელექტრომაგნიტური ველით (შემდგომში ”უმს”) ხალხში იცნობენ რუსული აბრევიატურის - ”უვეჩეს” ანუ  УВЧ-терапия დასახელებით.

“უმს”  თერაპიას აქვს ანთების საწინაამდეგო ეფექტი  რაც ხელს უწყობს  ანთებითი პროცესების და ტკივილის  შემცირებას, ამშვიდებს  ცენტრალურ ნერვულ სისტემას და ა.შ.

კლინიკა კურაციო გთავაზობთ სრულყოფილ  “უმს”  თერაპიას - პროფესიონალი ფიქზითერაპევტის კონსულტაცია, ინდივიდუალური გეგმის შედგენა და პროცედურა თანამედროვე აპარატით.